Ons toergids,Victoria, vertel die storie dat Theordore Rooseveldt (VSA president van 1901-1909) in 1916 die roete oor die mere met ‘n bootjie gedoen het. Toe het dit sewe dae gevat. En dat hy dit so mooi gevind het dat hy daarna aangedring het dat die Chileense regering die roete as bewaringsgebied vestig en as toeriste roete bedryf. Wat ‘n visionêr.
Vandag lyk die roete so:
Die Catamaran waarmee ons Emerald meer gekruis het in 1 uur en 45 minute.
Ons kruis vandag die Andes gebergtes op ‘n baie spesiale manier. Ons vaar op drie bote en ry op vier busse op ‘n 11 ure uitstappie. Dis beslis nie die vinnigste manier om in Argentinië te kom nie, maar sekerlik die mooiste.
Vulkaan Osorno wys vandag net af en toe sy gesig.
Petrohue (uitgespreek as Petro-wê) valle in die natuur reservaat 20 km buite Puerto Varas.
Op die oomblik is ons in Puella (uitgespreek as Poe-ja). Hier bly net 120 mense. Ons sien die mooiste blomme orals in Chile. Krismisrose soos jy nie kan glo nie. Ek wys ‘n paar hier.
Dit is immers Maart.
No comments:
Post a Comment