Praag: ou stadsplein en die astronomiese horlosie

Die ou stadsaal.

Die astronomiese klok.

Die hele klokwonder van Mikulas van Kaden gedateer 1410.

Dit was ‘n lang dag, maar ‘n lekker dag. Die hoogtepunt van die dag was die Astronomiese Horlosie (orloj genoem in czechies) op die suidelike muur van die ou stadsaal op die stadsplein in die ou stad. Daai hele stadsplein sit ‘n glimlag op jou gesig! Dit is pragtig. 

Soos ek nou hier sit en tik, hoor ek die reën saggies teen my hotelkamer se venster. Ek bly in Hotel Roma in Ujezd 16 Praha. Ons laaste kilometer terug hotel toe het ons in ligte reën afgelê. Op my televisie wys Roland Garos in Duits. Thiem is voor teen Paul en Chardy en Edmund is gelyk. By die huis kyk ek aande om tennis, maar hier is ek nou so uit. Te veel ander goed om te sien.

Maar terug by die klok. Tydens ontbyt vertel Oom Bob ‘n tragiese verhaal oor die klokmaker. Ons hang aan sy lippe. Hy het omtrent huiswerk gedoen. Ek lees die hele storie vanaand op wikipedia en dit blyk ‘n mite te wees, maar dit bly ‘n goeie storie so laat ons nou nie ‘n goeie storie met feite bederf nie.

Die legende wil dit hê dat die klok in 1490 gebou is deur Jan Ruze. Hy is toe deur die stadsvaarders verblind ( blind gemaak) sodat hy nie die wonderwerk kan herhaal vir nog ‘n klok nie. As teenprestasie het hy die klok onbruikbaar gemaak en niemand kon dit herstel vir ‘n 100 jaar nie.  Volgens wikipedia is die regte klokmaker van hierdie wonderlike stuk werk wat sy tyd ver vooruit was, Mikulas van Kadan. Hy het dit in 1410 gebou en dit was die 3de een wat hy gebou het. Hierdie een is wel die wêreld se oudste werkende een. Jan Ruze het wel die klok in 1490 bymekaargesit. Die Orloj is ernstig beskadig in 1945 deur die Nazi’s, maar weer in 1948 herstel. Die 605de verjaarsdag van die klok is luisteryk gevier in 2015.

Die City Sightseeing in Praag is ‘n teleurstelling. Ek en my Pa onderneem om ‘n brief te skryf aan hul bestuur, want hulle maak elke ander wêreldstad se rooibusse se naam gat. 

Môre vertrek ons na Innsbruck in Oostenryk via Duitsland. Dit is meer as 540 km en ons moet vroeg beweeg. Duitsland se paaie is goed en in Oostenryk ry hulle 130 km per uur, so dit sal goed wees. Czech se paaie is slegter, maar ons sal dit wen. Ek het Praag baie geniet en veral die bootvaart op die Tlvita rivier was heerlik!

Ons kry hierdie swaan met kleintjies langs die rivier. 

Ons aandete is pizza op die oewer van die Tlvita rivier in Praag. 

Ons al vyf is nog aanboord en op die been. 

Prague

26 Mei 2019
Ons is vanoggend net na ontbyt in die Geblergasse Hotel oppad Praag toe. Eers sukkel ons ‘n hele tydjie om ons gehuurde Fiat Talento uit hul nou garage te kry. En ek bedoel nou! Vienna is naby die Czech grens en ons stop by die eerste petrol-plek langs die pad om ‘n Vinjette te koop. Dit is die padbelasting in Czech, Hongarye en Slovenië. In laasgenoemde was dit 30 euro en vir Praag betaal ons 17 euro. It all adds up.

My eerste indrukke van Praag is goed. Hulle het mooi ou geboue. Die Charlesbrug en brugtoring is sover vir my die mooiste. Hul mense is vriendelik en hulpvaardig, hul melk smaak erg baie na koei en  hul geldeenheid, die Koruna, is minder werd as die rand! So ons is gelukkig!

Ons stap vanaand na die bekende Charlesbrug en ek klim die toring om mooi uitsigte oor die stad te kry. Ek bly bo tot na sonsonder en word beloën met wonderlike gesigte wat elkeen van die 138 groot outydse trappe die moeite werd maak. My voete voel vanaand die 21000 treë op my fitbit.

Ons ry môre die City Sightseeing Bus en dan vertel ek meer, maar vir nou deel ek net ‘n paar stunning fotos.

Die geel pikkewyne maak mooi fotos. Ek stuur so ‘n foto vir my familie en die fietskamptoerders en my sussie Christa en  Pieta vra dadelik oor die geel pikkewyne. Ek sê ek sal dit google. Dis wraggies die eerste ding wat opkom toe ek yellow intik op google. Hulle weet ek is in Praag. Ek het twee keer getel en beide kere 33 gekry. Google sê daar is 34. Hulle vertel die boodskap van klimaatsverandering en die gevaar van plastiek in die oseane.

Hierdie Pilsner Urqual was heerlik. Die tweede een was my Pa s’n. 

Canolalande langs die pad vandag.

Môre vertel ek verder.

Vienna (Wene): stad van pragtige paleise en nog mooier musiek

24 en 25 Mei 2019
Ons ry van Ljubljana in Slonenië die 398 km na Vienna in Oostenryk met ons Fiat Talento en sien die mooiste goed langs die pad. Ek was 26 jaar terug ook in Vienna net na ek klaar studeer het. Toe was dit in Desember en in die middel van die winter. Hierdie keer lyk die lente-stad heeltemal anders. Ons plak net ons tasse neer by 19 Geblergasse en vaar die stad in met hul gerieflike trems en undergrounds. Ons stap na Alser Grasse stasie, koop ‘n 24 uur kaartjie vir 8 euro elk en kry die no 43 trem tot by Schottertor. Daar klim ons oor op die no 1 trem en Schwedenplatz, vanwaar ons ‘n vaart op die baie bekende Danube rivier wil doen.  Die rivier is bekendgemaak deur Johann Strauss se bekende wals oor die blou danau.  In Piketberg bly een van gunsteling tannies, Tannie Colla. Sy is bykans 90 en het ‘n paar lesse by my gehad oor hoe om whatsapp voice recordings te stuur vir haar familie en vriende. Haar heel eerste voice recording aan my sal ek nooit vergeet nie: “dit is die song wat die danau blou gemaak het”. Wel, sy is reg. Ons het weliswaar net die rivier vir ‘n u-turn deur die  boot gesien en meestal op die Danau kanaal gevaar vir drie ure, maar die stukkie wat ek daarvan gesien het, kan ek getuig dat dit meestal koffie bruin water is. Maar die sonsondergang fotos het ‘n skynseltjie blou by en wie is ons om met die wêreldberoemde Johann Strauss te stry. As hy vir ‘n rukkie wil dien dit is blou, dan is dit blou.

Vienna is wêreldberoemd as die musiekstad. Wolfgang Amadeur Mozart, Johann Strauss, Ludwig Beethoven en talle ander bekende musikante het dit huis genoem. Ook ander beroemdes en berugtes. Sigmund Freud, Arnold Schwarzenneger en Hitler was en is almal van Vienna.

Hier is talle imperialistiese paleise. Schönbrunn is my gunsteling en het 26 jaar terug die grootste indruk op my gemaak. Dit betekn ‘beautiful fountain’ en is vernoem na die sterk fontein op die paleis se gronde. Vienna spog juis met die gehalte van hul drinkwater wat direk uit die Alpe grawiteer na elke huis in Vienna. Ons glo hulle en drink bottels vol.
Die Schönbrunn paleis is die somer vakansie huisie van die Habsburg familie. Maria Theresa en Sisi is twee van die dogters en Maria Theresa was die enigste vroulike keiser nog ooit in hul geskiedenis. Sy het baie gedoen vir Vienna en onder andere gelyke opvoeding vir seuns en dogters ingestel.

Hier is talle museums. Ek sou graag die Gustav Klimt een wou gaan sien, maar daar was net nie tyd nie. Ons doen die Big Bus se hop-on hop-off van vroeg tot laat en voltooi die rooi en blou roetes. Dis werklik waarde vir geld en mens sien so baie in ‘n baie kort tyd. Gustav Klimt se goed het ek leer ken deur Esta de Jager in Harmonie koshuis op Stellenbosch Universiteit. Sy was mal daaroor en het afdrukke gehad van al sy goed. Baie aan jou gedink vandag Esta!

Oostenryk bestaan uit nege state, waarvan die stad Vienna een is. Vienna is ook die Federale Hoofstad en die grootste stad in Oostenryk. ‘n Kwart van die land se bevolking bly in Vienna. Natuurlik ook omdat die res van die land erg bergagtig en onbewoonbaar is. Vienna is nou al vir 7 jaar na mekaar aangewys as die ‘most liveable city in the world’. Mens sien die rede hiervoor orals. ‘n Derde van Vienna se inwoners bly in woonstelle wat hulle gesubsidieerd huur by die Munisipaliteit hier. Maar dis nie sommer enige woonstelle nie. Sien gerus die foto hieronder. Kunswerke!

Die Vienna’s wat ons eet en die Wiener Schnitzel het hul ontstaan te danke aan Vienna en ons eet vandag albei. Eersgenoemde by ontbyt en laasgenoemde by ‘n grand padkafee langs die blou roete. Ons knyp maar oë toe en betaal die R463,42 per persoon. Europa se kos is baie duur!

Op die rooi busse speel hulle die mooiste musiek tussen die vertellings deur. Almal hier praat Duits en ons verstaan dit maklik en kom maklik oor die weg.

Gister tydens ons vaart op die Danua kanaal sien ons duisende studente op die kanaaloewers. Dit is Vrydagmiddag en hulle hou piekniek en span behoorlik uit. Later sien ons daar is ‘n rock concert aan die opslaan langs die oewer. Hier is baie universiteite in Vienna en duisende studente.

Die kanaalmure is beplak met grafitti. Ons vervies ons eintlik daarvoor, maar hoor vandag dat die stadsraad groot probleme gehad het met onwettige grafitti op die geboue in die stad dat hulle saam met die grafitti leiers besluit het om sekere grafitti gebiede te skep waar hulle kan malgaan. Die kanaal is so ‘n plek. En hulle het!

Lekker humor wag om elke draai.

        Hierdie is hulle staatsbehuising! Ek het julle gesê dit is in ‘n ander klas!